KOREJA E VERIUT– Një qytetar amerikan është arrestuar në Korenë e Veriut pasi ka kaluar kufirin. Lajmin e ka bërë me dije Organizata e Kombeve të Bashkuara. Komanda e Kombeve të Bashkuara, e cila drejton Zonën e Çmilitarizuar dhe zonën e përbashkët të sigurisë (JSA) që ndan Korenë Veriore dhe Jugore, tha se amerikani nuk kishte autorizim për t’u futur në Korenë e Veriut.
“Një shtetas i SHBA kaloi, pa autorizim, vijën e Demarkacionit Ushtarak në Republikën Popullore Demokratike të Koresë (DPRK). Ne besojmë se ai është aktualisht në paraburgim DPRK dhe po punojmë me homologët tanë të KPA për të zgjidhur këtë incident.”
BBC News ka kontaktuar Departamentin Amerikan të Shtetit për koment. Por ende nuk ka asgjë.
Zona e Çmilitarizuar (DMZ), ndan dy Koretë dhe kufiri i saj është një nga zonat më të fortifikuara në botë. Ajo është e mbushur me mina tokësore, e rrethuar me gardhe me tela elektrikë dhe me gjemba dhe kamera vëzhgimi dhe rojet e armatosura supozohet të jenë në gatishmëri 24 orë në ditë.
