KORÇË– Dy makina janë përfshirë nga flakët dhe një grua ka mbetur e plagosur si pasojë e një aksidenti të regjistruar një natë më parë në Korçë. Raportohet se një makinë tip “Volswagen” ka humbur kontrollin dhe është përplasur me një “Benz” të parkuar. Për pasojë të dy mjetet shpërtyen në flakë. Drejtuesja e mjetit “Volswagen” ka pësuar djegie dhe është dërguar në spital. Ndërhyrja e zjarrfikëses ka bërë të mundur shuarjen në kohë të flakëve duke mos lejuar përhapjen e tyre. Policia po heton ngjarjen.
NJOFTIMI I POLICISË:
Më datë 12.08.2023, rreth orës 23:25, në lagjen nr. 4, Korçë, shtetasja M. Ç., duke drejtuar automjetin tip “Volkswagen”, dyshohet se ka humbur kontrollin mbi drejtimin e tij dhe është përplasur me automjetin kantinë tip “Benz”, të parkuar në rrugë. Si pasojë e përplasjes, të dyja automjetet kanë marrë zjarr. Shërbimet e zjarrfikëses në vendngjarje, bënë të mundur shuarjen e zjarrit. Drejtuesja e automjetit shtetasja M. Ç., u dërgua për ndihmë mjekësore në spitalin e Korçës, ku ndodhet jashtë rrezikut për jetën. Grupi hetimor po punon për sqarimin e rrethanave të aksidentit.
