BBC raporton se për herë të parë Meksika duket se do të zgjedhë një grua në krye të shtetit pasi Claudia Sheinbaum u konfirmua si kandidate e partisë qeverisëse në zgjedhjet presidenciale të vitit të ardhshëm. Ajo do të përballet me Xochitl Galvez, e cila drejton koalicionin opozitar. Sheinbaum, shkencëtare 61-vjeçare, është aleate e ngushtë e presidentit të majtë Andres Manuel Lopez Obrador. Sondazhi aktual tregon se Sheinbaum është kandidatja kryesore, pas Lopez Obrador që gëzon mbështetje më shumë se 60 për qind. Ja çfarë u tha ajo mbështetësve të saj në një fjalim:
“Ne do të fitojmë më 2024 ”.
Sheinbaum fitoi garën brenda partisë së vet kundër pesë pretendentëve të tjerë. Ajo fitoi në secilin nga pesë sondazhet, duke marrë mesatarisht 39 për qind të votave, ka njoftuar partia Morena. Ajo shërbeu si kryebashkiake në Mexico City nga viti 2018 deri në fillim të këtij viti kur u largua për të kandiduar për presidente. Ja si shprehet Sheinbaum për revistën Gatopardo:
“Vajzat shohin një shembull tek unë. Të qenit presidentja e parë grua do të ishte historike në vendin tonë”.
