Hiwelme Ledezma Narvaez, u arrestua sëbashku me 7 shqiptare dhe dy venezuelianë në mesin e nëntorit në Tiranë. Prangosja e tij kaloi si një lajm rutinë ku ai u cilësua vetëm si kimisti i grupit kriminal që bënte ndarjen e kokainës nga lëkura e lopëve që vinte nga Kolumbia.
Por Narvaez nuk ishte një personazh i rëndomte në trafikun e kokainës. Në kolumbi ai ka qënë lider i një grupi criminal që trafikonte drogë drejt Shteteve të Bashkuara të Amerikës dhe Evropës. Pjesë e grupi të të tij ka qënë dhe shqiptari Klodian Zaimi, i cili është djali i dajës së Artion Caushllarit, i arrestuar në operacionin e 16 nëntorit. Caushllari sipas SPAK ka qënë personi që përkujdesej për mikun kolumbian të kusheririt të tij.
Grupi i Hiwelme Ledezma Narvaez, u shkatërrua në nëntor të 2023 ku u arrestau dhe shqiptari Klodian Zaimi, i cili njihej me nofkën “el gringo”. Prej nëntorit 2023 Narvarez ka qëndruar në Shqipëri nën kujdesin e Artion Caushllarit dhe personave të tjerë të cilët u prangosën me urdhër të SPAK.
Sipas mediave kolumbiane të cilat raportuan kapjen Klodian Zaimi, alias “El Gringo”, kishte si funksion kryesor marrjen e parave nga shitja e kokainës si dhe për ta pastruar paratë dhe dërguar më pas në organizatën kriminale në Kolumbi.Ky person ishte përgjegjës për koordinimin e dërgesës së sasive të mëdha të lëndëve narkotike nga portet e Kartagjenës drejt Amerikës Qendrore dhe Shteteve të Bashkuara duke përdorur varka të shpejta. Operacioni u zhvillua ne dy qytete në Kolumbi Cali dhe Bogota dhe u arrestuan 9 persona. Operacioni në Kolumbi u mbështet edhe nga DEA ,ameriakane.
Ndërsa Narvaez gjeti strehim në vendin tonë , por duke e përdorur për ta rikthyer sërish në trafikun e kokainës.Eksperiencën e tij e vyer në trafikun e kokainës ku për vite me radhë ishte kthyer në problem serioz për amerikanët dhe europianët vendosi ta verë në zbatim në Shqipëri.
Gjithashtu kontaktet që ai kishte në Amerikën Latine ia bënë më të lehtë sigurimin e kokainës. Për më tepër cilësitë e tij si një kimist e bënë të rëndësishëm për strukturën e ngritur në Shqipëri dhe të rëndësishëm për grupe të tjera që kërkonin asistencë e tij në përpunimin e kokainës.
