TIRANË– Zbardhen detaje nga plagosja e dy vëllezërve në Tiranë nga Gert Latifi, i cili u vu në pranga disa orë pas ngjarjes. Raportohet se shkak për ngjarjen të jetë bërë një sherr i nisur tre vite më parë për një vajzë. Ndërkohë autori kishte pak ditë që ishte kthyer nga Italia ku jetonte me bashkëshorten dhe fëmijët.
Mësohet se pas një telefonate që Latifi ka pasur me një nga vëllezërit ka caktuar dhe një vendtakim mes tyre siç duket për të sqaruar problemet e vjetra mes tryre. Por takimi që duhet të ishte sqarues degradoi në debat verbal dhe fyerje derisa Gert Latifi nxorri thikën dhe goditi rëndë dy vëllezërit.
Keta të fundit ndodhen në spital në kujdesin e bluzave të bardha. Pas ngjarjes Latifi u largua me një makinë që e kishte marrë me qira por arratisja nuk zgjati shumë dhe ai u vu në pranga në një hotel në Lushnje.
