DURRËS: Policia e Durrësit ka bërë me dije një incident të ndodhur në orët e para të kësaj të diele ,ku biznesi i reperit të njohur Noizy është përfshirë nga flakët. Ende nuk dihen shkaqet e kësaj situate, sakaq vetë stafi i lokalit ‘Zins’, thotë se shkak i zjarrit është bërë një shkëndije elektrike dhe se lokali do të jetë përkohësisht i mbyllur.
NJOFTIMI I POLICISË:
”Në orët e para të mëngjesit të sotëm, në lagjen nr. 1, në Durrës ka rënë zjarr në lokalin në pronësi të shtetasit B. R. Si pasojë e zjarrit ka vetëm dëme materiale.
Grupi hetimor në bashkëpunim me Prokurorinë, vijon punën për sqarimin e rrethanave të këtij rasti, si dhe për përcaktimin e shkakut të rënies së zjarrit.”
