TIRANË– Sulmi fizik ndaj kryetarit të Partisë Demokratike Sali Berisha në protestën e 6 dhjetorit ku ai u godit me grusht në fytyrë nga Gerti Shehu ka ‘ndezur’ debate të shumta në Kuvend ditën e sotme. Gjatë fjalës së tij deputeti Flamur Noka si përgjegjës për sulmin bëri kreun e qeverisë Edi Rama.
Sipas Nokës qëlklimi i sulmit ndaj Sali Berishës ishte që turma të acarohej dhe gjithçka të prevalonte në dhunë. Kështu Noka tha se Rama do e kishte paraqitur si të dhunshme para liderëve europianë që ishin mbledhur në Tiranë në kuadër të samitit BE-Ballkani Perëndimor.
Flamur Noka: Nuk është rastësi që në gjithë këto vite, ky njeri ka ushtruar dhunë dhe terror psikologjik ndaj opozitës. Krimi është vëlla me Edi Ramën. Vetëm dhunë ndaj opozitës dhe medias së lirë. Data 6 nuk ka asnjë autor tjetër, ka vetëm 1 autor Edi Rramën. Ai bërti gjithçka për ta gjunjëzuar opozitën. Pasi kishte blerë kryetarë dhe nënkryeatrë të saj, pasi tentoi t’i përçante dhe t’i sekuestronte vulën, por duke qenë se nuk ia arriti, tentoi të godiste Sali Berishën. Mos mendoni se është goditur një njeri. Është goditur demokracia në këtë vend. Ka 9 vjet që Shqipëria ndodhet nën pushtetin e bandave krimit dhe drogës. Ka 9-vite që Edi Rama dhe banda e tij kërkojnë t’i imponojnë shoqërisëi shqiptare krimin dhe dhunën. E gjitha kjo është bërë me një qëllim që shoqëria të pranojë dhunënë, hajdutërinë si normalitet. Nuk ka ndodhur kurrë në shoqëritë njerëzore kjo gjë.
