Sekretari i Përgjithshëm i PD-së së Rithemelimit, Flamur Noka, gjatë fjalës së tij në takimin me demokratët, është shprehur se vendi ynë ka nevojë të shpëtohet nga kthetrat e krimit dhe korrupsionit.
Noka tha se dëmi që i është bërë Shqipërisë në 11 vite është shumë i madh dhe se politika e vjedhjes së votës kërkon fort një kushtrim të madh dhe aksion të pandalshëm për të sjellë ndryshimin e vërtetë.
“Të dashur miq, është kënaqësi e veçantë të vish në Mirditë në këtë trevë me histori, kulturë dhe ka spikatur ndër shekuj.
Më 14 maj, për Mirditën ishte një përmbledhje e një cilësie që ka çdo mirditor. Ia kthyer bashkinë qytetarëve dhe treguar se në këtë vend se drejtësia vjen nga vota e popullit.
Jemi në këtë tur bashkimi dhe qëllimi është të bashkuar të shkojmë drejt fitores. Jemi sot këtu të ftojmë të bashkohen në rrugëtimin tonë demokratë e socialiste dhe misioni ynë është të shpëtojmë Shqipërinë. Misioni ynë është të vëmë drejtësi me votën e shqiptarëve.
Jemi në një situatë ku vendi ynë ka nevojë për drejtësi shumëdimensionale, të shpëtojë nga kthetrat e krimi dhe korrupsionit. Dëmi që i është bërë Shqipërisë në 11 vite është shumë i madh. Për më tepër politika e votës së vjedhur kërkon fort një kushtrim të madh, aksion të pandalshëm për të sjellë ndryshimin e vërtetë, që e gjen vetëm me votë dhe zgjedhje të lira.
Është e trishtë të vish në Mirditë dhe të shohësh shkollat që kanë nga 5 nxënës dhe të shkosh fshatrat që kanë nga dy tre oxhaqe që nxjerrin tym, se shtëpitë e tjera janë të mbyllura.
Nuk është vetëm braktisja, por asnjë ndihmë, asnjë subvencion, por është vrarë shpresa”, tha Noka.
