OSLO- Norvegjia ka dëbuar 15 zyrtarë rusë që i kishte akuzuar për spiunazh. Ministrja e Jashtme, Anniken Huitfeldt tha se Norvegjia nuk do të lejojë Moskën të përdorë ambasadën e saj për të kryer “aktivitete të fshehta të inteligjencës”.
Kremlini do të përgjigjet dhe po peshon një “përgjigje të përshtatshme”. Kështu njoftoi agjencia ruse e lajmeve Tass. Autoritetet norvegjeze i kishin monitoruar individët përpara se të shpalleshin persona non grata – të papranueshëm ose të padëshiruar, ndaj dhe duhet të largohen nga vendi.
Norvegjia ndan një kufi tokësor prej 197 km (122 milje) me Rusinë në Arktik dhe marrëdhëniet e tyre janë përkeqësuar gjatë gjithë luftës në Ukrainë. Pavarësisht se nuk është anëtare e Bashkimit Evropian, Norvegjia ka implemtuar gjithashtu disa sanksione evropiane kundër Rusisë.
