TIRANË– Pak orë më parë u raportua se një urban i linjës së Kombinatit u përfshi nga flakët në pjesën e pasme të motorit. Lajmi u publikua nga “JOQ” por Newszone.al pas informacioneve të marra dhe mesazheve të mbërritura në redaksi ka konstatuar që nuk bëhej fjalë për shpërthim flakësh apo defekt motorik. E vërteta qëndron se paralel me urbanin e kombinatit që është i stacionuar në vendin e pritjes është një makinë që për pasojë të një defekti teknik nxjerr tym. Këtë e tregon dhe video e mbërritur në redaksinë tonë.
“Nuk eshte tymi autobuzit. Flake jo e jo. Ky thote qe tymi nuk eshte i bus, Po ka qene I stacionuar dhe po priste sherbim por tani eshte ne pune. Ka qene nje mjet paralel me bus dhe ai mdoshta ka nxjerr tym”, shkruan qytetari në videon e sjellë në redaksi.
Kjo nuk është hera e parë që media “JOQ” publikon pamje të tilla pa verifikuar burimin e informacionit dhe mesazhin e mbërritur. Në pamjet e publikuara shihej vetëm tymi që dilte por asgjë më tepër. Në pamje të parë të krijohej përshtypja e tillë por nëse kamera do të lëvizte pak më shumë do kuptohej e vërteta. Në këtë kohë fushate duket se misioni i media së “fjalës së lirë” është bërë “Kujt ti biem sot”? Newszone ka garantuar lexuesit e saj që do të qëndrojë gjithmonë në krah të së vërtetës për të sjellë gjithmonë atë që nuk shihet në pamje të parë. Transparenca është motoja jonë, të tjerë të vijojnë baltosjen.
