Disa ditë më parë u regjistrua një ngjarje e rëndë në Burrel, ku një i mitur 2 vjeç, u ndje keq në çerdhe dhe ndërroi jetë rrugës për në spital. Në një rrëfim ekskluziv për emisionin ‘Me zemër të hapur’ babai i djalit u shpreh se djali i tij nuk kishte pasur asnjëherë probleme me zemrën siç u aludua nga disa media. Ai tha se djali kishte kaluar një virozë të lehtë disa ditë më pare, por kur kishte shkuar në çerdhe kishte qenë shumë mirë. Ditën kur ndodhi ngjarja, edukatoret i kishin thënë se pas gjumit djali kishte vjellë. Ja deklarata e tij:
“Ai ishte i qetë dhe nuk kishte probleme shëndetësore. Djali pati një virozë të lehte dhe kishte ditë që e kishte kaluar. E çuam në çerdhe shumë mirë. Edukatorët na thanë se pas gjumit djali kishte vjellë. Ai humbi ndenjat në çerdhe dhe ndërroi jetë rrugës për në spital. Atë ditë nuk ishte i sëmurë, madje nuk vuante as nga zemra”.
