TIRANË– Zbardhe detaje të reja nga dosja hetimore që Prokuroria e Posaçme (SPAK) do të paraqesë sot në Kuvend ku po kërkon heqjen e mandatit për deputetin Arben Ahmetaj dhe arrestimin e tij.
Raportohet se pas ekspertimit të një celulari të markës ‘Blackberry’ të gjetur në shtëpinë e ish-bashkëshortes së Ahmetajt rezulton se ai ka 138 komunikime dhe 3287 mesazhe me Mirel Mërtirin.
Nga mijëra komuniket që SPAK ka në dorë kundër ish-ministrit vërehet se ky i fiundit ka një raport miqësor me Mirel Mërtirin e inceneratorëve. Ata i drejtohen njëri-tjetrit me fjalët: “O la” (nënkupton vëlla), “fratelo”, “tigër”, “i madh”, e të tjera”.
Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Kuvendit më datë 10 korrik 2023 heqjen e mandatit të ish-ministrit të Financave tashmë deputet i PS dhe lejen për arrestimin e tij. Arben Ahmetaj, ish-numri dy i qeverisë Rama akuzohet nga SPAK për tre vepra penale: “Mosdeklarim apo fshehje të pasurive”, “Korrupsion pasiv” si dhe “Pastrim parash”.
