TIRANË– Ministri i Brendshëm Taulant Balla, komentuar operacionet e fundit policore antidrogë, në Tiranë dhe Sarandë. Ministri Balla i kërkuar Policisë së Shtetit dhe agjencive të tjera, të intensifikojnë goditjet kundër grupeve kriminale që shpërndajnë lëndë narkotike. Sipas Ballës, goditjet marrin më shumë vlerë, kur shkohet tek “kokat” e këtyre grupeve kriminale”.
“Policia e Shtetit po godet rrjetet e shpërndarësve të lëndëve narkotike duke shënuar rezultate konkrete, siç janë aksionet e fundit në Tiranë dhe Sarandë. Ndërsa pres më shumë rezultate në ditët e ardhshme, ripërsëris domosdoshmërinë që të shkohet tek “kokat” e këtyre grupeve kriminale sa më shpejt”, nënvizon ministri.
Në prag të nisjes së vitit të ri shkollor, ku nesër Balla dhe Ministrja e Arsimit Kushi do të prezantojnë një plan të detajuar për rritjen e sigurisë në shkolla, ministri Brendshëm ftoi edhe qytetarët të ndihmojnë autoritetet në këtë betejë me paligjshmërinë.
“Publiku dhe çdo familje shqiptare presin që Policia e Shtetit të marrë më shumë përgjegjësi ndaj çdo të riu e të reje, madje dhe adoleshentë, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e narkotikëve. Prandaj Policia e Shtetit duhet ta vendosë shkatërrimin e rrjeteve të shpërndarësve të lëndëve narkotike në një prioritet kryesor”, shkruan Balla.
