ELBASAN– Publikohen pamjet nga operacoioni i Policisë i nisur që prej mesnatës në Elbasan. Në pranga kanë rënë 45 persona ndërsa 7 të tjerë janë shpallur në kërkim nga Policia. Në sajë të operacionit u bë e mundur të sekuestroheshin mijëra euro, miliona lekë, sasi të mëdha kokaine, heroine dhe kanabisi si dhe armë zjarri.
U sekuestruan:
- 1 kilogram e 311 gramë kokainë,
- 860 gramë heroinë,
- 1 kilogram e 317 gramë kanabis,
- mijëra doza kokaine, heroine, kanabisi dhe metadoni, fara kanabisi,
- një armë zjarri model 56,
- sasi municoni luftarak, pjesë të armëve të zjarrit, silenciatorë, armë të ftohta,
- një shumë të madhe parash prej 51 milionë lekësh,
- 15 mijë euro,
- si dhe një shumë frangash zviceriane.
NJOFTIMI I POLICISË:
Elbasan. Ja pamjet e megaoperacionit policor antidrogë të koduar “Rrjeti”. Si rezultat i këtij megaoperacioni, është goditur plotësisht një grup kriminal dhe janë goditur pjesërisht 3 grupe të tjera kriminale. Të akuzuar si pjesëtarë të këtyre grupeve kriminale, janë ekzekutuar urdhrat e prokurorit për ndalimin e 45 shtetasve, 5 shtetas janë arrestuar në flagrancë gjatë kryerjes së veprimeve procedurale dhe 7 te tjerë janë shpallur në kërkim. Gjatë megaoperacionit “Rrjeti”, u sekuestruan në cilësinë e provës materiale: 1 kilogram e 311 gramë kokainë, 860 gramë heroinë, 1 kilogram e 317 gramë kanabis, mijëra doza kokaine, heroine, kanabisi dhe metadoni, fara kanabisi, një armë zjarri model 56, sasi municoni luftarak, pjesë të armëve të zjarrit, silenciatorë, armë të ftohta, një shumë të madhe parash prej 51 milionë lekësh, 15 mijë euro, si dhe një shumë frangash zviceriane. Hetimi i thelluar është në vijim, për dokumentimin e plotë të veprimtarisë kriminale të këtyre grupeve, si dhe për identifikimin dhe kapjen e shtetasve të tjerë të përfshirë në këtë veprimtari kriminale.
