TIRANË– Prokurori i Prokurorisë së Posaçme Kundër Korrupsionit dhe Krimit të Organizuar (SPAK) Vladimir Mara ka dhë në detaje rreth operacionit antidrogë të finalizuar këtë të martë në bashkëpunim me autoritetet italiane. Sipas grupi prej 21 anëtarësh merrej me trafikimin e drogës nga Siria drejt Shqipërisë dhe më pas kishin si destinacion vendet e Bashkimit Europian. SPAK bën me dije se hashashi ishte me origjinë nga Siria, heroina nga Turqia ndërsa kokaina nga vendet e origjinës. Ndërsa bëhet me dije se nuk është konstatuar kultivim i drogës në vendin tonë.
Prokurori i SPAK, Vladimir Mara: Janë vendosur 21 masa sigurie. Janë sekuestruar mjete luksoze, pajisje kompjuterike etj. Më e rëndësishmja është që të gjithë sekuestrimet e lëndëve narkotike janë kthyer në territorin e Shqipërisë. Kemi bërë edhe hetim pasuror për të gjithë anëtarët e grupit kriminal. Ka edhe persona që i është komunikuar edhe një masë e dytë sigurie sepse kanë qenë të prangosur. Hashashi ishte me origjinë nga Siria, heroina nga Turqia; ndërsa kokaina nga vendet e origjinës, me destinacion vendet e BE. Nuk kemi konstatuar episode kultivimi kanabisi në vendin tonë.
Pyetje: Kush e ka drejtuar grupin?
Prokurori i SPAK, Vladimir Mara: Organizatorët nuk janë kapur në momentin e parë, janë kapur pjesëtarët në flagrancë. Organizatorët kanë vijuar aktivitetin e tyre. Drogërat vinin me kamion që transportonin sende të ligjshme. Droga futej në vende të fshehura. Punonjësi i Policisë së Shtetit ishte pjesë e drejtorisë kufitare të Shkodrës, është korruptuar nga trafikantët. Hetimi është kryer me Prokurorinë e Firences. Roli i shqiptarëve ka qenë i transportuesëve, shpërndarësve dhe porositësve. Këta kanë qenë personat që kanë bërë porositjen dhe shpërndarjen në vendet e BE. Burimet e lëndëve narkotike.
