Luan Baci, në Komisionin për Veprimtarinë Prodhuese ka hapur një debat lidhur me vjedhjen e energjisë nga pronat private që shteti ynë bën. Në krye të institucionit të “|Entit Rregullator të Energjisë në Komisionin e Veprimtarisë Prodhuese”, qëndron Petrit Ahmeti i cili ka hedhur poshtë cdo akuzë dhe mohoi se shteti vjedh energji prej pronave private.
“Disa biznese Kanë marrë kredi për të prodhuar energji dhe për të plotësuar nevojat. Nga 2019 bizneset prodhojnë energji. Përveç asaj që kalon në rrjet, pjesa tjetër i merret pa shpërblim. Çfarë hapsh keni marrë ju si ent rregullator që të marrë fund kjo histori, që unë dhe bizneset mendojnë se është vjedhje. Kur një biznes vjedh energji shteti alarmohet, po kur vidhen vete bizneset? Çfarë përgjegjësie keni dhe a do të marrë fund kjo histori e bizneseve që prodhojnë energji dhe gjysma e energjisë ja vjedh shteti?”, tha Luan Baçi.
Kryetari i ERE, ka deklaruar se do të ketë një sistem matës për energjinë e cila do të shërbejë në rastet kur do të ketë energji më shumë nga masa e kërkuar.
“Ka raste kur kompania nuk e konsumon dot të gjithë energjinë dhe e hedh në sistem, siç ka raste kur biznesi ka nevojë për këtë energji dhe e merre sërish,duhet të jeni më kritik, kjo është vjedhje e pastër, është e pafalshme, është vjedhje që vazhdon të bëhen, ndoshta edhe ne si opozitë duhet të ngrinim zërin më shumë”, vijoi Luan Baçi.
