TIRANË– Propozimi i qeverisë për krijimin e një baze ligjore për bletarinë është mirëpritur nga opozita këtë të hënë në Komisioni i Veprimtarisë Prodhuese, ku kanë votuar parimisht pro draftit ligjor. Projektligji i cili hap rrugën regjistrit të bletarëve, ku do të pasqyrohet kolonitë e bletëve, parqet ku ushqehen bletët, ecuria shëndetësore, migrimi i tyre, synon krijimin markës “Made in Albania” të mjaltit.
“Kjo do rrisë vlerën e shtuar të produktit mjaltë dhe do të mënjanoi humbjen e bletëve”, tha ministrja Frida Krifca e cila shtoi se sektori i bletarisë ka njohur një rritje vitet e fundit dhe miratimi draftit ligjor është një detyrim që ligjvënësit i kanë sektorit.
Ndërkohë deputetët e dy kaheve politikë shprehën qëndrimet e tyre kritike për ndryshimet ligjore, ku morën përgjigjen nga Pëllumb Aleksi, Drejtori i Institutit të Sigurisë Ushqimore dhe Veterinare
Ndërsa deputeti i PS, Laert Duraj u shpreh se është hequr regjistri nga shoqatat lokale të bletërritësve, ku kjo sipas tyre, e bënë më të pakontrolluar rolin e bletërritësve të vegjël në zonat e thella
“Penalizohet dikush nëse lëviz kosheren e bletëve në një distancë më shumë se sa 30 minuta. Më duket absurde, si mundet një bletërritës, i ka sjell bletët në zonat e Shqipërisë së Mesme dhe më pas do ti dërgoj në Lurë, Korab, ku i duhen 3-5 orë”, tregoi deputeti demokrat Xhelal Mziu.
