Detaje të reja rreth këtij hapi i ka zbuluar deputeti demokrat, Saimir Korreshi, i cili ka thënë se protesta është thirrur pikërisht ditën kur Kuvendi do të votojë edhe buxhetin, me të cilin opozita nuk bie dakord.
Opozita shqiptare do të protestojë më 19 nëntor përpara Kuvendit të Shqipërisë, në një hap të radhës të asaj çfarë e cilësojnë si “mosbindje civile”, teksa Parlamenti pritet të votojë projektbuxhetin e vitit 2025.
Detaje të reja rreth këtij hapi i ka zbuluar deputeti demokrat, Saimir Korreshi, i cili ka thënë se protesta është thirrur pikërisht ditën kur Kuvendi do të votojë edhe buxhetin, me të cilin opozita nuk bie dakord.
Për opozitën, perifrazoi Korreshi, buxheti i sjellë nga Qeveria nuk është i qytetarëve dhe nuk përputhet me nevojat e shqiptarëve.
“Protesta do të mbahet në ditën e votimit të projektbuxhetit, në datën 19 nëntor. Format e mosbindjes civile nuk mund të konsumohen me një protestë, opozita nuk ka hequr dorë nga mosbindja civile”, shtoi Korreshi, teksa foli rreth protestës së pritshme.
