Oprah Winfrey dhe Dwayne “The Rock” Johnson u kërkuan fansave të tyre të dhuronin para për të prekurit nga zjarret në Maui.
Por duket se kjo kërkesë e tyre ka ngjallur ditën e martë një reagim negativ te fansat dhe të dy janë vënë në shënjestër të komentuesve për faktin se vlera e tyre neto e pasurisë e kombinuar tejkalon 2.8 miliardë dollarë.
Dyshja e Hollivudit grumbulloi 10 milionë dollarë për Fondin Popullor të Maui-t, por më pas kërkuan nga fansat e tyre në Instagram dhe TikTok që të dhuronin pjesën tjetër.
Megjithatë, shumë fansa reaguan se nuk kishin mundësi dhe se të famshmit e pasur duhet të japin më shumë nga paratë e tyre për të ndihmuar.
Këto janë disa nga reagimet e fansave në rrjetet sociale:
“Miliarderët u kërkojnë të varfërve para, qesharake”.
“Ju keni miliarda. Mund të dhurosh 100 milionë dollarë dhe të jesh akoma i pasur si më parë”, kritikoi një përdorues tjetër Ëinfrey, e cila vlerësohet të ketë një pasuri prej 2.5 miliardë dollarësh, sipas Forbes. “10 milionë janë 0.5% e 2 miliardë. Dëshiron 0.5% tim? Janë 16 dollarë”.
“Ky duhet të jetë një mesazh për miqtë tuaj miliarderë,” shkroi një tjetër. “Është çmenduri të kërkosh para”.
“Si është e mundur që gruaja më e pasur në botë kërkon para? Nuk ka kuptim”.
Komentet nuk mbarojnë me kaq. Një tjetër, sipas nypost.com, ka shkruar:
“Shoku im, do të më duheshin gati 20 vjet për të bërë vetëm paratë që ke bërë sot. Beje vete. Ne po për mbijetesë”.
Pas kritikave, Oprah dhe Rock kanë bllokuar komentet në postimin e tyre.
