TIRANË– Ka nisur konferenca e përbashkët për mediat mes kryeministrit Edi Rama dhe homologut të tij hungarez Viktor Orban. Ky i fundit gjatë fjalës së tij u shpreh se është e turpshme se si procesi i integrimit të Shqipërisë në Bashkimin Europian po ecën me hapa kaq të avashtë, duke e cilësuar këtë ritëm si “vetëvrasës” për BE-në. Sipas Orban nëse vazhdohet kështu atëherë pas 10 vitesh Gjermania do të jetë e vetmja forca e madhe në rajon. Orban u ndal dhe tek investimet hungareze në Shqipëri.
Viktor Orban: Nuk jam në gjendje të përmend një vend Europian që ka rezerva në rritje. Rezervat e rritjes janë në Ballkan. Vitet e fundit Europa po pëson një rënie ekonomike dhe kjo mund të parandalohet nëse bashkohemi të gjithë. Është e papranueshme dhe e turpshme se sa ngadalë po ecën procesi i zgjerimit të BE. Shqipëria ka duruar 13 vite për të arritur deri në fillimin e negociatave. Mendoj se vetëm Gjermania do të ngelet në 10 vendet e zhvilluara të botës. Nëse BE do të ecë me këtë ritëm të ngadalë që do të jetë vetëvrasës, nuk e di si do t’ja bëjë Europa në të ardhmen. Ne mbështesim integrimin e Shqipërisë. Para siç thonin romakët e lashtë paraja nuk mban erë, po i zoti i atyre parave mban erë. Pra mund të kemi edhe investitorë që nuk e respektojnë vendin dhe ne kemi pasur. Kemi vuajtur nga kjo sjellje. Dhe besoj se firmat hungareze që sillen në Shqipëri do të jenë respektuese ndaj këtij vendi. Mendoj se çështja nuk është e thjesht për t’u theksuar. Nuk kemi një bindje të palëkundshme që zgjerimi i BE është i pashmangshëm. Nuk duhet të ulemi dhe të presim, por duhet punuar për këtë. Jemi të përkushtuar që Shqipëria të anëtarësohet në BE. Shqipëria duhet të nxitojë të anëtarësohet. I kam mbështetur iniciativat që ka bërë Ram në të kaluarën dhe ato që do të bëjë në të ardhmen. Të gjitha ato koezione që arrijnë nga Europa në Shqipëri apo Hungari, të arrijë në atë nivel që mos të presim formalizimin e anëtarësimit, por të vijojmë atë punë për Shqipërinë.
