Ditën e sotme, Presidentja e Kosovës Vjosa Osmani pëcolli një mesazh të fortë në nderim të Heroit të Kosovës, Afrim Bunjakut, i cili dha jetën në përleshjet me bandat kriminale serbe që kryen një tjetër agresion në Kosovë. Ja çfarë shkruan Osmani në rrjetin social ‘Facebook’ :
“Dje i dhamë lamtumirën heroit Afrim Bunjaku. Kosova është ngritur mbi sakrificën sublime të një populli. Ajo po mbahet mbi këtë sakrificë e do të jetojë përjetësisht falë trimave si Afrimi.
Afrimi na bindi sërish se flijimi i jetës për atdheun është rilindje, jo vdekje. Duke rënë për Kosovën ai e përjetësoi jetën e tij. Tani ai është hero i Kosovës, bir i saj i shtrenjtë që jeton në altarin e historisë së atdheut. Lavdi heroit Afrim Bunjaku!”
