TIRANË– Gjykata Kushtetuese ka pranuar padinë e Partisë Demokratike, e cila kërkon shfuqizimin e Bordit të Transparencës. Kushtetuesja ka caktuar datën 31 janar si datën ku do të përballen opozitarët dhe Bordi i Çmimeve.
Në kërkesën e dopozituar më 19 shtator të vitit të kaluar, deputetët e Partisë Demokratike kërkojnë shfuqizimin si antikushtetues të akteve ligjore, të vendosura nga Bordi. Ky i fundit u krijua më 1 prill të vitit të shkuar për monitorimin e çmimit të produkteve ushqimore bazë nisi veprimtarinë në 1 prill të vitit të kaluar, për shkak të rritjes së çmimeve.
Me herët, deputetët e Partisë Demokratike i kërkuan Gjykatës Kushtetiuese të shfuqizojë Bordin e Transparencës për çmimin e karburanteve, kërkesë për të cilën ende nuk ka një vendimmarrje nga gjykata për kalim ose jo në seancë plenare. Të dy këto borde u ngritën nga qeveria pas protestave me qëllim zbutjen e krizës së çmimeve si pasojë e luftës në Ukrainë.
