TIRANË– Deputeti i Partisë Socilaiste Erion Braçe gjatë fjalës së tij në Komisionin e Ekonomisë kërkoi të dinte se përse fermerët nuk janë përfshirë në “Pakon e Madhe”. Deputeti socialist tha ministrja e Financave duhet të ishte e pranishme në mbledhje.
Erion Braçe: Ministrja duhet të ishte patjetër e pranishme në Komision. Unë dua të di pse nuk u dha asnjë ndihmë për bujqësinë. S’ka njëri këtu të ketë problem me paketën e madhe përkundrejt shtresave në nevojë. E di kush është meraku im, që para 20 ditëve kemi miratuar këtë aktin tjetër. Ky akti tjetër, 4 ditë para sesa të mbyllej viti. Edhe unë dhe kolegë të tjerë kemi ngritur shqetësimin për ekzekutimin e buxhetit dhe realizimit si dhe parashikimit të tij.
