GRAMSH– Detaje të reja janë zbardhur nga ngjarja e rëndë e regjistruar në Gramsh mesditën e kësaj të marte ku një 15-vjeçar i identifikuar si Fatjon Bici mbeti i vrarë pasi u godit me thikë. Përmes një njoftimi për mediat blutë e Gramshit bëjnë me dije se ngjarja ka ndodhur pas një sherri për motive të dobëta mes 5 adoleshentëve.
Bici u dërgua menjëherë në spital por nuk mundi ti mbijetoi plagës së marrë që rezultoi dhe fatale për të. Pas ngjarjes katër adoleshtëntë e përfshirë në sherr mes tyre dhe autori i krimit janë shoqëruar në Komisariat ku po merren në pyetje. Ndërkohë siç mund ta shihni në foto në vendin e ngjarjes Policia ka gjetur dhe sekuestruar thikën që vrau të miturin dhe një kapele që ai mbante në kokë.
NJOFTIMI I POLICISË:
Gramsh Rreth orës 13:30, në lagjen “Sport 2”, Gramsh, në rrugë, pas një konflikti të çastit mes 5 adoleshentëve është plagosur rëndë me mjet prerës (thikë), njëri prej tyre, shtetasi F. B., 15 vjeç, i cili pasi është dërguar në spital, ka humbur jetën për shkak të dëmtimeve. Shërbimet e Policisë, me marrjen e njoftimit, kanë shkuar menjëherë në vendin e ngjarjes. Pas ndjekjes nga Policia, janë kapur dhe janë shoqëruar në Komisariat, 4 adoleshentët (ndërmjet tyre dhe autori) e përfshirë në konflikt, konkretisht shtetasit E. K., 15 vjeç, A. C., 14 vjeç, O. C., 14 vjeç dhe S. M., 15 vjeç të cilët do të merren në pyetje nga specialistët për Hetimin e Krimeve, në prani të prokurorit, të psikologut dhe të prindërve të tyre.Grupi hetimor vijon veprimet për zbardhjen e rrethanave të kësaj ngjarjeje dhe përcaktimin e autorësisë së ngjarjes. Në përfundim të veprimeve, do të ketë njoftim për arrestimin e autorit dhe për masat që do të merren për 3 shtetasit e tjerë të shoqëruar.
