Pamje të dhimbshme janë regjistruar mesditën e sotme në protestën qytetare tek ministria e Arsimit.
Mijëra qytetarë ju bashkuan thirrjes për protestë pas vrasjes së Martin Canit dhe këtij marshimi i janë bashkuar edhe familjarët e nxënësit 14-vjeçarë të vrarë me thikë tek shkolla ‘Fan Noli’.
Tezja e Martini ka qenë ajo e cila ka mundur të thotë pak fjalë në protestë, duke kërkuar drejtësi.
‘Shpirti i tezes, o ylli më i bukur që je. E çuam në shkollë nuk e çuam në luftë me na e therë.
Drejtësi duam, drejtësi, nuk duam asgjë tjetër. Drejtësia të shkojë në vend.
Gjithë Shqipëria ka mbajtë zi. Drejtësi duam, vetëm drejtësi.
Nuk më gjen gjë mua, vetëm drejtësi duam.
Nuk pi dot ujë, se nuk pi Martini, ç’më duhet uji muaj, ka 4 ditë që nuk pi Martini’, tha tezja e Martin Canit.
Dhimbja ka qenë mjaft e madhe dhe asaj i ka rënë edhe të fikët dhe është dashur ndërhyrja e mjekëve në autoambulancë që ajo të përmendet dhe është nisur për në spital.
