MALTË– Një incident i rëndë është regjistruar në Maltë ditën e sotme ku katër persona mes tyre tre shqiptarë kanë mbetur të plagisur pasi u dëmtuan gjatë shembjes së një ndërtese në Maltë. Times of Malta shkruan se tre punëtorë të tjerë kanë mbetur në rrënojat e ndërtesës, një prej të cilëve raportohet të jetë gjithashtu shqiptar.
Ngjarja e rëndë raportohet të ketë ndodhur brenda Zonës Industriale Corradino, në orën 9:27 të mëngjesit. Siç shihet në videon e shpërndarë në mediat e huaja ndërtesa është shembur shumë shpejt duke i zënë punëtorët nën rrënoja. Tre shqiptarët dhe boshnjaku janë dërguar në spita, ndërkohë që ekipet vijojnë kërkimet për të mbeturit në rrënoja.
