TIRANË– Një ngjarje e rëndë është regjistruar në kufirin mes Shqipërisë dhe Malit të Zi. Në pamjet filmike të dhunës shihet Petraq Milo, ish-këshilltar i presidentit të Shqipërisë dhe kandidat për kreun e Kontrollit të Lartë të Shtetit, i cili është dhunuar nga policia malazeze. Në pamjet e siguruara nga JOQ, Milo është tërhequr zvarrë nga makina, me pretendimin se nuk kishte respektuar radhën. Në video shihet Milo, i cili nxirret nga makina me forcë dhe përplaset tek një makinë tjetër. Ndërsa radhën pas tij, e ka i biri, i cili gjithashtu përballet me dhunën e efektivëve malazezë në kufi. E gjithë skena lë të shokuar të gjithë personat e tjerë që po kalonin kufirin, të cilët gjithë kohës u kërkojnë efektivëve që të ndalojnë.
View this post on Instagram
“Ua e shtriu, ça po bëni more? Çfarë po bën more zotëri?”, dëgjohet ndër të tjera në video.
JOQ ALBANIA zbuloi gjithashtu edhe policin që ka dhunuar këtë familje, teksa pretendojnë se efektivi në fjalë është Nikola Boljevic dhe gjithmonë ka pasur konflikte me shqiptarët. Ndërkohë, pavarësisht se pamjet janë bërë virale në rrjet, ende nuk ka asnjë reagim nga institucionet shqiptare. E po ashtu, as nga ana e Policisë malazeze nuk ka asnjë shpjegim për dhunën e përdorur.
