LEZHË– Pamjet që po shihni tregojnë momentin pak minuta pasi Nikolin Marku Lestakaj ekzekutohet me shtatë plumba në trup në derën e një marketi ku kishte shkuar për të marrë një pije freskuerse në Balldre. I veshur me të shkurtra dhe një bluzë të bardhë njollat e gjakut janë të dukshme në trupin e 42-vjeçarit të qëlluar në kraharo dhe pjesën e barkut. Pamjet janë siguruar nga TCH.
Ngjarja e rëndë është regjistruar një ditë më parë në orën 18:30 në një market në zonën e fshatin Balldre në Lezhë. Nikolin Marku Lestakaj kishte marrë makinën e të vëllait për të blerë një pije freskuese në market kur pasi doli prej aty u përball me një breshëri plumbash të lëshuar drejt tij, të cilët i shkaktuan vdekjen e menjëhershme. Ai kishte pak kohë që ishte kthyer nga Britania e Madhe ku jetonte prej vitesh. Me kthimin nga athe ai bënte lëvizje të kufizuara. Deri më tani Policia e Lezhës dyshon se kemi të bëjmë me një hakmarrje të fisit Nikulaj. Ngjarja u regjistrua tre muaj pasi u vra Ardian Nikulaj në Lezhë. Hasmëria mes dy fiseve vijon prej shumë vitesh ku shumë burra janë vrarë.
