ELBASAN– Pamjet e mëposhtme janë të rënda dhe tregojnë vendin ku dhe ndodhi ngjarja e rëndë në fshatin Kusarth të Elbasanit ku 58-vjeçari Tefik Tashi masakroi me sëpatë kunatën e tij (motrën e gruas) Alma Qevani. Siç shihet dhe në fotro ngjarja ka ndodhur në rrugë, jashtë ambienteve të shtëpisë. Vendi është i larë me gjak pasi ende nuk ka dalë askush ta lajë në pritje të grupit hetimor, i cili dhe do të mbledhë provat.
Alma Qevani mësohet se ka ndërruar jetë në spital pasi nuk i ka mbijetuar dot plagëve të marra nga goditjet e forta me sëpatë në kokë dhe trup. Pas ngjarjes autori ka tentuar të largohet dhe të fshihet. Tashi pasi vrau motrën e gruas është parë duke vrapuar në rrugët e fshatit me sëpatën e krimit që e mbante me vete ndërsa duart dhe rrobat i kishte me gjakun e viktimes. Ai është arrestuar dhe po merret në pyetje.
