KRUJË– Pamjet e rënda që po shihni tregojnë sherrin masiv të një ditë më parë në Borizanë ku pjesëtarë të fisit Rraja dhunuan barbarisht me sende të forta dhe kërcënuan me armë vëllezërit Bilbil e Jashar Maja. Shkak për këtë është bërë një gurore në pronësi të fisit Rraja dhe që viktimat e sulmit fizik pretendojnë se krijon probleme për familjet e tyre. Ngjarja ka ndodhur në ambientet e një lokali në prani të shumë dëshmitarëve. 10 persona të “armatosur” me shkopinj dhunuan në mënyrë barbare dy vëllezërit, njëri ndodhet në gjendje të rëndë tek Trauma. Pavarësisht se njjëri prej tyre bie në tokë të paktën gjashtë persona e godasin pa pushim dhe thërrasin “vrite”.
Çfara tha Policia dje:
Ditën e sotme, në një lokal në aksin rrugor Fushë Krujë – Thumanë ka ndodhur një konflikt mes shtetasve B. M., e J. M., dhe shtetasve Xh. Rr., I. Rr., dhe K. Rr. Gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit B. M. dhe J. M., të cilët si pasojë janë dëmtuar dhe ndodhen në spital, nën kujdesin e mjekëve. Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre. Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt. Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë.
