TURQI– Pamje të frikshme dhe tmerri vijnë nga Turqia pas tërmetit fatal që la pas më shumë se 1500 të vdekur, mijëra të plagosur e qindra të tjerë ende nën rrënoja, fati i të cilëve nuk dihet. Po ashtu dhe Siria po kalon orë të vështira, qindra njerëz kanë humbur jetën, njerëz që bërtasin në rrugë për ndihmë e të tjerë që rrinë para rrënojave me shpresën për të gjetur të afërmit e tyre. Pamjet dhe dëmet i ngjajnë një bilanci lufte.
An #earthquake collapses a building in #Aleppo pic.twitter.com/fPmCBuTSRC
— MOHAMMED HASSAN (@MHJournalist) February 6, 2023
Disa zona të prekura nga tërmeti në Siri nuk janë nën kontrollin e qeverisë, kështu që aksesi në kujdesin mjekësor dhe furnizimet e urgjencës janë të kufizuara. Bluzat e Bardha, organizatë humanitare që punon në zonat e kontrolluara nga rebelët në Siri, kanë bërë thirrje për ndihmë urgjente.
Deri më tani raportohet për më shumë 1500 viktima dhe mijëra të plagosur e të tjerë nën rrënoja. Tërmeti i fuqishëm 7.4 ballë ka goditur kufirin mes Turqisë dhe Sirisë. Lëkundja tronditi banorët rreth orës 04:17 me epiqendër pranë qytetit të Gaziantep. Tërmeti ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
