Mbi 35 biznese morën pjesë në Panairin e Karrierës të organizuar nga Universiteti Western Balkans në Bashkëpunim me Dhomën Britanike të Tregtisë në Shqipëri.
Ky panair ishte një mundësi për studentët për tu njohur dhe parë nga afër mundësitë e shumta të praktikave, intershipeve dhe punësimit që bizneset ofrojnë.
Në panair morën pjesë përfaqësues të Ambasadës Britanike në Shqipëri, përfaqësues të Dhomës Britanike të Tregtisë, si dhe figura të njohura të politikës shqiptare.
Në fjalën hapëse të Panairit, Presidenti i Universitetit “Western Balkans”, Prof. Dr. Ferdinand Gjana, theksoi edhe përkushtimin që ËBU ka për t’u krijuar mundësi të ndryshme studentëve drejt tregut të punës.
Prof. Dr. Ferdinand Gjana: “Falënderim të veçantë për të gjithë bizneset, institucionet dhe kompanitë që kanë ardhur dhe janë prezente për t’iu përgjigjur nevojës së studentëve për karrierën e tyre”.
Studentët e WBU shprehen se këto mundësi intershipi i ndihmojnë ata të integrohen në punësim në të ardhmen.
“Panairi i Karrierës është një mundësi është diçka shumë e vlefshme për të gjithë studentët, pasi të gjithë ne e kemi pikëpyetjen e madhe se çfarë do të bëjmë pasi të mbarojmë studimet tona. Por, mendoj që sot është një ide e mirë për të nisur pse jo intershipet e më pas me vendet tona të punës në të ardhmen”, u shpreh një studente.
“Sot është një mundësi e mirë integrimi prej studentëve dhe tregut të punës dhe bizneseve të tjera përqark. Për momentin kam aplikuar në disa stenda që i përkasin fushës time”, u shpreh një tjetër studente.
Universiteti “Western Balkans” është i vetmi universitet në Shqipëri, i cili siguron për studentët praktika të paguara që në vitin e parë të studimeve në kompanitë më të mëdha brenda dhe jashtë vendit dhe siguron punësim të sigurtë pas studimeve.
https://www.facebook.com/share/p/JWuArKn9wfV9AakM/?mibextid=oFDkn
