TIRANË- Na ndajnë shumë pak orë nga mesha tradicionale e virgjiljes së Krishëlindjes, e cila mbahet në mesnatë apo ora shënon 24:00. Nuk mund të mungonte dhe mesazhi të cilin e jep çdo vit kryetari i Ipeshkvnore të Shqipërisë, imzot Angelo Massafra.
Këtë vit mesazhin e tij ja kushtoi paqes, e cila ka qënë e shënjestruar nga lufta.
“Ndërsa fuqitë botërore janë duke u përpjekur që të vlerësojnë pasojat e luftës së Rusisë në Ukrainë dhe të kërkojnë mënyra kontrete për zgjidhjen e konfliktit, ekonomia botërore po vuan efektet e kësaj lufte me varfërimin e mëtejshëm të shtresave më të varfëra. Në mënyrë të veçantë e ndjejnë vendet e Evropës Lindore, përfshirë edhe Shqipërinë tonë”
Çdo luftë tha ai nuk shkatërron veç njerëzit por edhe vëndin, ndaj besimtarët jo vetëm duhet ta urrejnë luftën, por duhet të punojnë të sjellin paqen brënda vetes tyre por edhe në njerëzit me të cilët punojnë.
“A nuk është shkaku i luftës dhe i vrasjeve mbjellja dhe shitja e drogës, mosrespektimi i të drejtave të njeriut, i të drejtave të punëtorëve, i të drejtave të sëmurëve pa kërkuar dhe pa pretenduar ryshfet, i të mirës së përbashkët, i shtëpisë tonë të përbashkët? Këto janë disa nga fushat ku secili prej nesh mund të sjellë paqe”.
Ndaj ai i shprehu se këtë vit ta nisim sa më më paqe me veten dhe njerëzit që na rrethojnë, për këtë duhet të angazhohemi të gjithë.
