TIRANË– Kryetari i Partisë Demokratike Sali Berisha ka folur për mediat pas daljes nga seanca plenare, e cila u ndërpre për shkak të tensioneve të forta brenda në sallë. Duke folur për mediat Berisha tha se populli opozitar që po protestonte ndërkohë jashtë parlamentit është i gatshëm kurdoherë që të futet brenda në sallë. Ai u ndal sërish tek akuzat ndaj kryeministrit Edi Rama në lidhje me lidhjet e tij me ish-agjentin e arrestuar të FBI-së Charles MvGonigal.
Sali Berisha: Edi Rama i damkosur me skandalin McGonigal kishte bindur zonjat se akuzat e mia dhe skandali McGonigal nuk kishte në epiqendër Edi Ramën por disa afera. A kishte turp më të madhe sesa të protestonin për deklaratat që i kam bërë në konferencë shtypi dhe të shpreheshin sikur ishte secila prej tyre e akuzuar. Unë ua thashë që çdo të dhënë do ua dorëzoj komisioneve hetimore. Në Facebook nuk keni parë asnjë video dhe fotot të karakterit erotike sepse nuk merrem me to. Fakti që reaguan aq fuqishëm më bën të hetoj edhe më shumë në çdo drejtoj. Po të mos kisha fakte mund të bëja deklaratën unë. Ky reagim koletiv i zonjave socialiste më bën mua..dihet ajo, miza pas veshit. Do hetoj 10 herë më shumë për të shkuar pas kësaj piste. Nuk janë të rëndësishme për mua, nuk i konsideroj. Nuk i nxjerr sepse problemi kryesor është Edi Rama nuk janë këto. Nuk janë ngjarjet terciare në pubet e Tiranës. Opozita ja ku e ka popullin dhe do flasë. Jam shumë i kënaqur dhe janë heronj të vërtetë. Do futen në sallë sapo të munden, ne jemi paqësore, mund të futen dhe të rrinë në grevë urie aty. Kjo që dëgjuam sonte është për Guiness. Si ka mundësi që ajo të bëjë një deklaratë të tillë për mikun e Edi Ramës. Rama i përdor për zhurmë. Të enjtën do të vijë prapë. Kërkon Edi Rama ta kalojë çshtjen si turist seksi në Shqipëri po nuk e pranoj kurrë si të tillë. Vula e PD është e PD nuk mund të jetë e kujt tjetër.
