TIRANË– Samiti i Bashkimit Europian, i cili për herë të parë do të mbahet në Tiranë ku 14 liderë europianë do të mbërrijnë në kryeqytet ka bërë që Policia e Shtetit dhe agjensitë e tjera ligjzbatuese të marrin masa të rrepta sigurie që përfshijnë bllokimin e disa akseve kryesore në Tiranë por dhe ‘paralizimin’ e transportit të autoomjeteve.
Në një njoftim të bërë publik për mediat Bashkia Tiranë bën me dije se nga ora 08:00 e mëngjesit deri në orën 20:00 të mbrëmjes do të pezullohet lëvizja e transportit urban në Tiranë. Në njoftimin e bashkisë, thuhet se vetëm autobusët e Unazës do të qarkullojnë, por me itinerar të shkurtuar.
NJOFTIMI:
Për arsye sigurie dhe për të garantuar mbarëvajtjen e këtij Samiti, do të ketë bllokime dhe devijime të disa akseve interurbane dhe urbane, të kryeqytetit, duke nisur nga ora 06:00, e datës 06.12.2022, deri në orën 18:00, të datës 06.12.2022. Bllokimi i lëvizjes dhe devijimi në autostradat dhe rrugët interurbane, që të çojnë drejt Tiranës, do të fillojë në orën 07:00, ndërsa në qytet, në perimetrin e sigurisë, bllokimi do të fillojë në orën 06:00, ndërsa në rrugët e tjera që përfshihen në itinerarin e lëvizjeve në kuadër të Samitit, bllokimi do të fillojë në orën 08:00. Do të bllokohen këto akse:
Rruga “Rinas – Qafë Kashar” dhe anasjelltas;
Autostrada “Tiranë- Vorë” dhe anasjelltas;
Unaza e Madhe, nga ish-sheshi “Shqiponja”, deri te rrethi i Sanatoriumit, dhe anasjelltas;
Rruga e Elbasanit nga rrethi i Sanatoriumit deri tek ura e Elbasanit dhe anasjelltas.
