KUKËS- Një konflikt është rregjistruar ditën e sotme në fshatin Lomje, Kukës, ku dy shtetas janë konfliktuar fizikisht me njeri-tjetrin. Dy shtetasit janë konfliktuar me njeri-tjetrin për motive pronësie, ku policia ka ndërhyrë menjëherë, dhe si pasojë kanë rënë në pranga shtetasi D. B., 42 vjeç dhe F. M., 31 vjeç, të dy banues në fshatin Bele, pasi kanë goditur njëri – tjetrin dhe automjetet që përdornin, me mjete të forta.
Pas arrestimit të tyre,u bë një kontroll në automjetin e shtetasit D. B., shërbimet e Policisë kanë gjetur një shkop druri që dyshohet se është përdorur gjatë konfliktit. Ky shkop u sekuestrua në cilësinë e provës materiale, bashkë me 2 automjetet në pronësi të shtetasve të arrestuar. Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
