TIRANË– Rozeta Dobi, pastruesja që i bëri “gropën” ish-zyrtares së lartë në Kryeministri Alda Klosit ka vendosur të bëhet bashkëpunëtore e drejtësisë dhe të rrëfejë gjithçka që di në lidhje me paratë e vjedhura në shtëpinë e Klosit. Në dëshminë e dhënë para hetuesve ajo ka deklaruar se gjatë kohës që ajo punonte në shtëpinë e ish-shefes së Kabitetit të ish-ministrit Arben Ahmetaj, një bashkëpunim që ka filluar në vitin 2018 ajo ka parë që në shtëpinë e zyrtares të vinin shuma të mëdha parash, të cilat ajo i vendoste në çanta dhe kuti.
Rozeta Dobi: Paratë vinin nga persona të ndryshëm. Ajo i vendoste në çanta dhe kuti. Unë pastroja dhe largohesha për në shtëpinë time.
Alda Klosi u arrestua mbrëmjen e djeshme me urdhër të Prokurosisë së Tiranës. Ish-zyrtarja do të përballet me tre akuza të ngritutra ndaj saj: Refuzimi për deklarimin, mosdeklarimin fshehjen ose deklarimi i rremë i pasurive, interesave private të personave të zgjedhur e nëpunësve publikë ose i çdo personi tjetër që ka detyrimin ligjor për deklarim”, “Pastrim i produkteve të veprës penale ose veprimtarisë kriminale” dhe “Deklaratat e rreme përpara oficerit të policisë gjyqësore” parashikuar nga nenet 257/a, 287 e 305/b i K. Penal. Ka qenë dëshmia e pastrueses Rozeta Dobi, e cila dhe u akuzua për vjedhjen e 120 mijë eurove në shtëpinë e ish-zyrtes së lartë. Ndërkohë 400 mijë eurot e gjetura në shtëpinë e Dobit mbeten ende pa zot, pasi pastruesja ende nuk ka deklaruar se i ka marrë ose në jo në shtëpinë e Klosit.
