Partizani i është kundërpërgjigjur fitores së Tiranës ndaj Vllaznisë, duke triumfuar 2-1 në duelin përballë Bylisit.
Takimi që u luajt në kaudër të javës së 30-të të Kampionatit Shqiptar të Futbollit, ishte jetik për të kuqtë e kryeqytetit, të cilët zbritën në fushë vetëm me një objektiv, fitoren.
Pas 18 minutash, vendasit kaluan në epërsi, falë golit spektakolar të realizuar nga Rrapaj. Avantazhi i “Demave” zgjati deri në minutën e 34’, me Eskerdinja që barazoi për klubin nga Ballshi.
Në baraspeshë përfunduan 45 minutat e para të lojës, me Partizanin që u ndje i detyruar të bënte një pjesë të dytë perfekte.
Fraksioni i dytë i lojës nisi në mënyrën më të mirë për vendasit, të cilët realizuan pas 10 minuatsh nga rifillimi i lojës me anë të brazilianit da Silva.
Në fund të takimit, pati kohë dhe për një penallti në favor të Partizanit, e cila megjithatë u anulua nga sistemi VAR si dhe për një gol të Cara, të cilësuar të parregullt nga asistenti.
Me këtë fitore, Partizani vazhdon të ndjekë rivalët e Tiranës, në garën për titull.
