Partizani prezanton trajnerin e ri, drejtimi i skuadrës i besohet një italiani
Partizani ka zyrtarizuar trajnerin e ri, pas shkarkimit të Dritan Mehmetit. Drejtimi i skuadrës, i është besuar trajnerit italian, Xhovani Kolela.
Ky i fundit nuk është i panjohur në Shqipëri, pasi në të kaluarën ka drejtuar Apoloninë, ku qëndroi nga shtatori i 2020 deri në nëntor të atij viti, duke u shkarkuar pas vetëm 7 ndeshjeve, për rezultate të dobëta.
Gjatë karrierës së tij, 56-vjeçari ka drejtuar edhe në Itali, skuadra si Como, Renate, Siena, Bassano, Vicenza dhe Rimini.
NJOFTIMI I KLUBIT:
Partizani zyrtarizon arritjen e marrëveshjes me trainerin Xhovani Kolela. 55 vjeçari italian, i cili do të drejtoj skuadrën përgjatë sezonit të ri është prezantuar sot nga presidenti Gazment Demi dhe drejtori sportiv Elton Marini. Kolela do ti bashkohet menjëherë ekipit për të nisur zyrtarisht punën në seancën e sotme stërvitore të programuar në orën 19:00 në kompleksin sportiv Partizani.
