Partizani vs Atletic Esclades: 4-1
Pasi fitoi ndeshjen e parë 1-0 në Andorrë, Partizani triumfoi edhe në kryeqytet natën e kaluar, para mbështetësve në “Air Albania” me rezultatin e pastër 4-1 për të vijuar rrugëtimin në Conference League. Tanimë Partizani ka siguruar biletën për në turin e tretë të Ligës së Konferencës falë një suksesi 4-1 në shtëpi ndaj Atletic Escaldes.
Ekskluzivisht për Newszone, menaxheri i ekipit, Ildi Dajlani, rrëfeu emocionet e sfidës në Tiranë dhe pritshmëritë e Partizanit. “Lodhjet harrohen kur merr rezultat pozitiv”- u shpreh Dajlani.
“Është privilegj të jesh pjesë e këtij klubi kaq të madh dhe të dashur ku kudo ku shkon gjen mbështetjen e tifozëve të cilët janë arma më e fortë që kemi! Ndeshjet e europës mbartin emocion dyfish dhe lodhjedyfish në aspektin organizativ por harrohen shpejt kur në fund merret rezultat pozitiv!”
Dy golat e parë u shënuan prej Tedi Cara në minutat 28’të dhe 45’të. Golin për 3-0 e shënoi Arinaldo Rrapaj, e ndërsa goli i fundit u shënua prej Eros Grezda-s.
Pas fitores së mbrëmshme, Partizani avancon më tej në turin e tretë të Conference League, aty ku do të gjejë letonezët e Valmierës që vijnë pas një kalimi turi rekord ndaj kundërshtarëve modestë të San Marinos, Tre Penne, me rezultatin e përgjithshëm 10-0.
