TIRANË– Pas gati tre vitesh betejë nga ana e familjarëve zemra Saimir Sulës, i riu shqiptar qe nderroi jete në Spanjë, por që u soll në Shqipëri pa organin jetësor do të prehet pranë trupit të tij.
Pritet që ajo tu dorëzohet familjarëve brenda korrikut. Ministria e Drejtësisë njoftoi të dielën se është rënë dakord me autoritetet spanjolle që zemra e Saimir Sulës t’ju dorëzohet familjarëve në datën 12 të këtij muaji.
Ministria e Drejtësisë: Ministria e Drejtësisë, në bashkëpunim me Prokurorinë e Përgjithshme, Prokurorinë e Tiranës, Institutin e Mjekësisë Ligjore, me mbështetjen e Ambasadës Shqiptare në Madrid, kanë zhvilluar komunikime të vazhdueshme për detajet logjistike të kësaj procedure, rruga e transportit ajror, detar apo tokësor, mënyra e transportimit. Nëse autoritete spanjolle do jenë dakort mbetet vetëm marrja e lejeve tranziti nga të gjitha shtetet ku do kalojë automjeti.
Saimir Sula vdiq në maj të vitit 2020 kur bota ishte mbërthyer nga pandemia e Covid-19. Ai shkoi spitalin del Mar në Barcelone për tu kuruar për simptomat e Civid-19 por vdiq në rrethana të paqarta dhe trupi i tij u kthye pa zemër në atdhe. Prej vitesh motra e tij ka organizuar protesta të shumta dhe ka bërë thirrje për drejtësi.
