Aktori komedian Russell Brand duket se është ‘braktisur’ edhe nga miqtë pas akuzave për përdhunim dhe sulm seksual ndaj disa grave, lajm i cili ka tronditur kastin e aktorëve të ‘Hollywood’.
Jack Osbourne, miku i tij në një intervistë për DailyMail, pretendon se komediani ka bërë veprime vulgare dhe të çmendura. Ja si shprehet ai:
“Ai ka bërë disa gjëra vulgare, të egra, të çmendura, por ju kurrë nuk dëshironi të supozoni se dikush që njihni dhe jeni mik apo i njohur është në gjendje ta bëjë këtë”.
Jack theu heshtjen për rastin, ndërsa e krahasoi Brand me aktorin Danny Masterson i cili është dënuar me 30 vite burg për përdhunim. Ai tha se ishte në dijeni të rasteve.
“Ne e pamë me situatën e Danny Masterson. Unë isha një mik personal i Denit. Unë kam qenë në shtëpinë e tij, kam luajtur poker me të. Unë në fakt i njihja disa nga viktimat dhe kështu ajo histori ishte, “Oh Zot madh”.
Russell u akuzua për përdhunim dhe sulm seksual pas një hetimi nga “The Times” dhe “Channel 4 Dispatches” solli në dritë një numër pretendimesh që e akuzonin atë për sjellje abuzive dhe grabitqare, duke përfshirë përdhunimin dhe sulmin seksual.
