TIRANË– Me mbarimin e festave të fundvitit mbaruan dhe pushimet e tyre në vendndlindje. Kështu emigrantët shqiptarë kanë nisur kthimin drejt Greqisë aty ku dhe jetojnë e punojnë. Kjo ka shkaktuar radhë të gjata pritjeje në dogane ndhe vargu i makinave në orare të caktuara bëhej kilometrik.
Në 48 orët e fundit përmes pikës kufitare të Kakavijës, janë larguar drejt Greqisë 5600 persona ndërsa kanë hyrë 2100 të tjerë. Pala shqiptare ka punuar me 4 sportele në dalje dhe 2 në hyrje, ndërsa pala greke ka punuar me 3 sportele në hyrje dhe 2 në dalje. Ndërkohë në pikën kufitare të Kapshticës kanë hyrë 2807 persona dhe kanë dalë 5759 të tjerë. Në Qafë Thanë kanë hyrë 2832 persona dhe kanë dalë 3153 të tjerë.
