TIRANË– Pas arrestimit të ish-kryebashkiakut të Kukësit Safet Gjici është arrestuar dhe vajza që shfaqet në video-skandalin seksual në zyrën e Gjicit e identifikuar si Alma.K. Raportohet se me urdhër të Gjykatës së Posaçme Kundër Korrupsionit dhe Krimit të Organizuar (GJKKO) ajo është arrestuar në Shkodër ndërsa ndaj saj është vendosur masa e sigurisë “arrest në shtëpi”. Ndaj saj rëndon akuza e korrupsionit aktiv. Kjo çeshtje po hetohet nga prokurorja e SPAK, Manjola Kajana.
Safet Gjici u shfaq në një video-skandal më datë 16 qershor teksa kryente marrëdhnie seksuale me një vajzë në zyrën e tij në Bashkinë e Kukësit. Pas kësaj ai dha dorëheqjen duke pretenduar se i kanë ngritur kurth ndërsa pak orë më vonë ai u shkarkua nga detyra me vendim të Këshillit të Ministrave. Pozitat e Safet Gjiciu u rënduan më tej pasi pas aktit seksual ai bisedoi me vajzën për një tender për qentë e rrugës që vajza do ta përfitonte pa u futur në garë. Me sa duket kjo e ka fundosur pozitën e Gjicit që tashmë do të përballet me SPAK. Video-skandali solli reagime të shumta dhe trazoi jetën politike në vend. Ndërkohë zgjedhjet në Bashkinë e Kukësit do të përsëriten.
