TIRANË– Ish-kryetari i Partisë Demokratike Lulzim Basha duket se pas takimit të pak ditëve më parë me të rinjtë e ka marrë seriozisht rikthimin e tij në politikë pasi siç shihet dhe në postimet e tij në rrjetet sociale ai ka nisure turin e takimveve me demokratët në Tiranë.
Gjatë një takimi me anëtarët të PD-së në Njësinë 2 në kryeqytet deputeti Basha ka deklaruar se ai ka bërë një hap pas për të mos nxitur përçarjen ne brendshme në PD si dhe ka garantuar se do të bëjë opozitë të vërtetë.
Lulzim Basha: Me shumë kënaqësi i’u përgjigja ftesës për një kafe nga një grup kontribuesish dhe qendrestarësh të PD-së në degën 2 në Tiranë. Zhvilluam një bisedë të hapur dhe të drejtpërdrejtë, ku i’u përgjigja pa asnjë hezitim pyetjeve, interesit dhe shqetësimeve të tyre dhe këtë do të bej me të gjithë pjesëtarët e familjes sonë politike. Por unë nuk do të bëhem kurrë pjesë e baltosjes, edhe kur të vazhdojnë siç kanë rinisur me të njëjtat sulme, gënjeshtra e mashtrime. Sepse rruga që kalon përmes politikës së vjetër të baltës, akuzave dhe banalizimit të çdo debati publik na mban në vendnumëro dhe nuk mund të sjellë kurrë ndryshim për njerëzit. Unë bëra një hap pas sepse nuk doja një luftë të brendshme, i bindur se prej saj përfitojnë vetëm kundërshtarët! Dhe ishte gjëja e duhur. Por ja ku jemi. Asgjë s’ka ndryshuar, madje situata është edhe më keq për demokratët dhe shqiptarët. Prandaj e ndjej për detyre t’i përkushtoj energjitë e mija tek një opozitë e vërtetë në shërbim të njerëzve. Vetëm një alternativë e qartë, që ka në qendër hallet e qytetarëve dhe jo ato të politikanëve mund të sjellë ndryshimin e vërtetë.
