Një ditë pasi i kërcënoi me armë në Kuvend, policia e Edi Ramës dërgon në SPAK një grup deputetësh të opozitës.
Sipas tyre, ata kanë kundërshtuar punonjësit e policisë, të cilët në shkelje të ligjit dhe Kushtetutës, i dhunuan ligjvënësit demokratë brenda Kuvendit.
Deputetët e paditur nga narkopolicia janë Elda Hoti, Flamur Noka, Bledjon Nallbati, Gazmend Bardhi, Dashnor Sula, Luan Baçi dhe Saimir Korreshi.
NJOFTIMI ZYRTAR
Drejtoria Vendore e Policisë Tiranë në lidhje me tubimin e zhvilluar ditën e djeshme, në vijim të veprimeve hetimore të kryera ka referuar materialet në Prokurorinë e Posaçme Kundër Korrupsionit dhe Krimit të Organizuar në gjendje të lirë për shtetasit:
– E. H., 32 vjeçe, për veprën penale “Kanosja” dhe “Shkelja e rregullave mbi lëndët helmuese”;
– F. N., 53 vjeç, B. N., 38 vjeç, G. B., 39 vjeç, D. S., 55 vjeç, L. B., 61 vjeç, dhe S. K., 43 vjeç, për veprën penale “Kundërshtimi i punonjësit të policisë së rendit publik”.
Ditën e djeshme, në ambientet e sallës së seancave plenare të Kuvendit të Shqipërisë, shtetasja E. H., ka hedhur në drejtim të deputetëve një lëndë të lëngshme të paidentifikuar, ndërsa në hyrje të godinës së Kuvendit të Shqipërisë, shtetasit F. N., B. N., G. B., D. S., L. B., dhe S. K., kanë kundërshtuar me dhunë punonjësit e policisë të planëzuar me shërbim.
Materialet i kaluan Prokurorisë.
