TURQI- Pamjet që vijnë nga Turqia janë vërtet tronditëse. Pallate të shembura, njerëz të vdekur e të tjerë që kërkojnë ndihmë nën rrënoja. Kjo është gjithçka që ka lënë pas tërmeti i fuqishëm 7.8 ballë i shkallës Rihter i rënë në orët e para të mëngjesit. Deri më tani raportohet për më shumë se 200 të vdekur e mijëra zë plagosur.
Të paktën 130 ndërtesa kanë rënë në provincën Malatya të Turqisë, e cila është fqinje me epiqendrën, tha guvernatori Hulusi Sahin. Në qytetin turk të Dijarbakirit, të paktën 15 ndërtesa janë shembur dhe ekipet e shpëtimit kanë bërë thirrje për heshtje ndërsa dëgjonin për të mbijetuarit në një ndërtesë 11-katëshe të rrëzuar.
Në veriperëndim të Sirisë, Mbrojtja Civile Siriane e opozitës e përshkroi situatën në rajonin e kontrolluar nga rebelët si “katastrofike”, duke thënë se ndërtesa të tëra ishin shembur dhe njerëzit ishin bllokuar në rrënoja.
