TIRANË– Grupi hetimor që po heton çështjen e vjedhjes së 120 mijë eurove në banesën e ish-zyrtares së lartë Alda Klosi nga pastruesja Rozeta Dobi dhe i biri Havieri ka zbarkuar ditën e djeshme në banesë lu ka krye kontrolle të imtësishme. Kontrolli është bërë me vendim gjykate por ende nuk dihet se çfarë është gjetur në banesë.
Ndërsa ish-shefja e kabinetit e ish-ministrit Arben Ahmetaj është marrë ditën e sotme në pyetje. Mësohet se Klosi është pyetur në lidhje me shumën prej 400 mijë eurosh por ajo ka mohuar të ketë dijeni për to. Ajo është shprehur se të sajat janë vetëm 120 mijë eurot e gjetura në fillim dhe disa prej bizhuterive.
Drejtësi dhe policia ende nuk kanë një “pronar” për 400 mijë eurot e gjetura në tubin e aspirimit të pastruese Rozeta Dobi, ende asnjë pistë dhe askush nuk ka dalë të bëjë ddnoncim për to. Të kujt janë 400 mijë euro është pyetje më e rëndësishme që ende mbetet jetime?!
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale. Por pre e vjedhjes së Rozetës janë dhe personazhe të tjerë të njohur e të panjohur për publikun. Një ndër ta është dhe Leonard Ciko, një biznesmen në Tiranë që rezulton të jetë dhe vëllai i Alda Klosit (Ciko).
