TIRANË– Alda Klosi Çiko ish-shefja e kabinetit e ish-ministrit Arben Ahmetaj është kthyer në temën e ditës. Vjedhja e ndodhur në shtëpinë e saj në “Rrugën e Kosovarëve” nxorri zbuluar ish-zyrtaren e shtetit që mbante në shtëpi më shumë se 120 mijë euro cash dhe bizhuturi e smeralde nga më të ndryshme.
Pastruesja Rozeta Dobi që ajo i besoi shtëpinë i bëri kërdinë, kjo jo për shumën e vjedhur por për zhurmën e madhe dhe problemet me drejtësinë. Pyetja e “madhe” që shtron sot çdo shqiptar dhe ne si gazetarë është se ku i gjeti një zyrtare shteti 120 mijë euro, kush ia dhuroi apo kush është burimi i të ardhurave. Si mundi një zyrtare shteti të grumbullonte atë shumë.
Justifikimi i Klosit se paratë i ka për të kuruar xhaxhanë e sëmurë nuk justifikon burimin. Ajo ka mbajtur poste të rëndësishme krah ish-zëvendëskryeministri Arben Ahmetaj që sot është në ditët më të vështira të karrieres së tij, i distancuar nga të majtët dhe në shenjestrën e drejtësisë për aferën e inceneratorëve.
Alda Klosi jetonte në një shtëpi me qira ndërkonte që dispononte shuma të tilla. Cili ishte roli i saj në fondet e rindërtimit krah Ahmetaj? Ku ka firmosur ajo në shkresat e shtetit dhe kush kanë qenë fondet që kanë kaluar në “sitën” e saj?!
Dhe pse ajo ka deklaruar se paratë i ka sjellë nga Amerika dhe prap ka rënë ndesh. Nuk mund të transportosh para cash më shumë se 10 mijë euro, pa një faturë që vërteton burimin. A e ka shkelur ligjin zyrtarja?
Në detyrën që mbante ajo paguhej 118.456 mijë lekë në muaj dhe për të kursyer një shumë të tillë do i duhej të kursente 18 muaj rrogën e plotë pa tërhequr asnjë lek, atëherë si ka jetuar ajo?
Justifikimet e zyrtares së shtetit nuk japin përgjigje për pyetje por shtojnë dilemat për policinë e shtetit dhe prokurorinë. Kush është burimi i të ardhurave është pyetja ditës! Rozeta Dobi sot në një fare mënyre i bëri “nder” drrjtësisë duke nxjerrë zbuluar zyrtaren e shtetit.
Pyetjeve duhet tu japë përgjigje drejtësia, se në një vend të vogël si Shqipëria me rroga të ulëta dhe të goditur nga kriza një zyrtare kursen aq shumë. Kush është lidhja e saj me Arben Ahmetaj dhe a është përfshirë ajo në ndonjë nga akuzat e ngritura sot ndaj ish-numrit dy të qeverisë.
