Deputetja e Partisë Demokratike, Ina Zhupa ka dorëzuar në Gjykatën Kushtetuese padinë e ligjit “Për zonat e mbrojtura” Sipas Zhupës me miratimin e këtij ligji Shqipëria do të jetë një vend pa asnjë zonë të mbrojtur, teksa klientët dhe ortakët e kryeministrit Rama do të ndërtojnë resorte private në këto hapësira. Në fjalën e saj deputetja demokrate ka theksuar se ky ligj nuk po mbron interesat e qytetarëve, por interesat e oligarkëve të lidhur me qeverinë.
“Ligji nuk mbron interesin publik dhe qyterarëve, por mbron interesin e Ramës për të bërë para për zgjedhjet e ardhshme. Si mund të mbrohet interesi publik kur një zonë e mbrojtur do të vihet në shërbim të oligarkëve të Ramës. Ky ligj bie në kundërshtim me parimet e informimit publik dhe pjesëmarrjen e qytetarëve pasi është bërë pa pyetur dhe konsultuar me publikun. Ne kemi bërë një padi në GJK me të gjitha nenet që shkelen me këtë ligj të ri. Ne jemi këtu për të garantuar interesin publik dhe të përfaqësojmë qytetarët, sot praktikisht në Shqipëri nuk ka zona të mbrojtura.”
Në përfundim të fjalës së saj deputetja Zhupa i ka bërë thirrje Ministrit të Ekonomisë, Kulturës dhe Inovacionit, Blendi Gonxhja të mos e firmosë transferimin e Butrinitit në një koncesion privat. Zhupa tha se ministri Gonxhe duhet të lerë Edi Ramën të firmosë transferimin e Butrintit, pasi është pikërisht urdhëri i tij që po e kthen këtë gjë në realitet
